При сообраќајка на влезот во Плевља синоќа се превртел автобус и 37 лица се здобиле со повреди.
Несреќата се случила околу 23 часот кога се судриле патничко возило „мерцедес“ и автобус од Никшиќ. Од силниот удар дошло до превртување на автобусот.
Неофицијално, никој од повредените не е во животна опасност, но во болница биле примени лица со тешки телесни повреди и скршеници.
– Автобусот одел од Никшиќ кон Врбас, а по судирот, тој слетал од главниот пат – пишува порталот ПВ Информер.
Во автобусот се возеле околу 40 патници.
