Ал Хилал испиша историја за фудбалот во Саудиска Арабија, откако обезбеди финале на Светското клупско првенство во Мароко со денешната победа во првото полуфинале против славниот бразилски Фламенго, триумфирајќи со 3-2, па утре ќе го дознае ривалот во битката за светската круна со пресметката на Реал Мадрид и египетски Ал Ахли.

Шести пат во историјата финалсната пресметка за светската клупска круна нема да биде лпомеѓу европска и јужноамериканска екипа, а третпат во финале ќе игра азиска екипа, после јапонска Кашима Антлерс во 2016 и Ал Аин од ОАЕ во 2018 година. Досега двапати африканци играле финале, конгоански Мазембе во 2010 и мароканска Раја Казабланка во 2013, а еднаш и УНАЛ Тигрес од Мексико, претставник на Северна и Средна Америка во 2020 година.