Бугарија ќе подигне спомен плоча на Гоце Делчев во село Баница, со амин на Грција


Бугарскиот претседател Румен Радев ќе ја поддржи иницијативата за подигање спомен плоча на Гоце Делчев во селото Баница, во денешна Грција, по повод 120-годишнината од неговото убиство, идната година. Ова го изјави Радев по средбата со неговата грчка колешка Катерина Сакеларопулу, која е во државна посета на Бугарија, прашан дали во Баница ќе биде поставена спомен плоча на „големиот бугарски револуционер и легендарен водач на ВМРО“, пренесува БГНЕС.

„Бугарија и Грција ги оставија настрана сите противречности во минатото и во моментов се модел и пример за стратешко партнерство и разбирање. Не гледам проблем Грција, која е суверена држава и се грижи за спомениците на нејзината територија, да даде можност за таков споменик, особено што Гоце Делчев е бранител на слободата на сите луѓе, без разлика во која земја живееле“, рече Радев.

„За мене иднината на светот е како територија за културна соработка“, додал Радев цитирајќи ги зборовите на Гоце Делчев, потенцирајќи дека токму тоа го прават денес Бугарија и Грција.

„Ако има барање за поставување спомен плоча на Гоце Делчев во сереското село Баница, надлежните органи ќе го разгледаат“, рече грчката претседателка.

– Реклама –

Пронајдете не на следниве мрежи: