За православните верници денеска почнува постот којшто завршува со Велигден на 16 април.
Поради тоа ние денеска ќе ви претставиме еден рецепт за посен ручек којшто е вкусен и заситен.
Потребни ви се тортиљи и зеленчук, а најдобро од сè е тоа што може да си поигрувате со вкусовите и намирниците.
Количината на намирници приспособете ја на бројот на лицата за кои ќе ги подготвувате, а следните се за три лица.
Состојки:
- 3 тортиљи;
- 2 моркови;
- 1 главица кромид;
- 250 грама печурки;
- 3 лажици посен мајонез;
- 1 црвена пиперка;
- 150 грама посен кашкавал;
- Магдонос;
- Маслинки;
- Сол, бибер.
Подготовка:
На загреана тава ставете малку вода, па додадете го ситно исечканиот кромид. Динстувајте додека не стане мек, па додадете исечкан зеленчук, печурки, сол и бибер.
Тортиљите намачкајте ги со мајонез, па рамномерно распоредете го зеленчукот на три дела.
Тортиљите замотајте ги. Во сад обложен со хартија за печење распоредете ги тортиљите.
Над нив изрендајте кашкавал и исечкана пиперка и маслинки.
Печете во загреана рерна на 200 степени Целзиусови околу 15-на минути.
Кога се готови додадете над нив сечкан свеж магдонос.
Пријатно јадење!
Пронајдете не на следниве мрежи:
