Бројот на загинати во разорниот земјотрес што во понеделникот рано наутро го погоди јужниот дел на Турција долж границата со Сирија постојано се зголемува, а спасувачите неуморно ги откопуваат урнатините во потрага по преживеани.
Хуманитарна помош и спасувачи пристигнуваат од целиот свет, а на социјалните мрежи постојано се појавуваат видеа од спасување, но и трагични сцени по катастрофата што ги снајде овие две земји.
Така, на Твитер е објавено крајно шокантно и вознемирувачко видео од Сирија на кое спасувачите при ископувањето на урнатините го наоѓаат целосно покриено безживотното тело на постар човек со дете.
Како што јави Медја Баскент, станува збор за татко и син и за херојскиот подвиг на човек кој го жртвувал животот за да го заштити своето дете со сопственото тело, а сцената се случила во Африн, Сирија.
Во објавите на Твитер се наведува дека таткото го покрил синот со своето тело и на тој начин му го спасил животот на детето. За жал, човекот починал.
Малото момче веднаш било пренесено во болница откако било извлечено со возило на брза помош.
Од минута во минута пристигнуваат вести за разорниот земјотрес, за бројот на жртвите, како и за преживеаните, а за степенот на оваа катастрофа, покрај разорните бројки, секако покажуваат и вознемирувачките сцени од урнатините кои некогаш биле градови. .
Пронајдете не на следниве мрежи:
