Русија изврши серија воздушни напади против Украина со крстосувачки ракети, беспилотни летала и балистички ракети, соопштија денеска украинските воздухопловни сили.Началникот на украинската армија рече дека Русија ја зголемува концентрацијата на своите трупи во регионот Харков каде што московските сили постигнаа значителен напредок.Украинската воена разузнавачка служба соопшти дека морнаричките дронови на Киев уништиле два руски патролни чамци КС-701 во Црното Море во близина на полуостровот Крим. Руските власти се уште не ја коментирале оваа информација.Воздухопловните сили на Киев соопштија дека нападите во текот на ноќта биле извршени со осум балистички ракети С-300, 11 крстаречки ракети и 32 дронови Шахед.Сите дронови и седум крстосувачки ракети се соборени, соопштија воздухопловните сили.Во Харков, вториот по големина град во Украина, седум лица се повредени, а зградата на општинските служби е запалена, изјави регионалниот гувернер Олех Синјехубов.Русија изврши напади од воздух и во Хмељнички и Дњепропетровск, но нема повредени.Началникот на армијата Олександр Сирски изјави дека Русија носи воени единици во регионот Харков од другите делови на Украина за да ги надополни силите во двете главни жаришта на борбите, градовите Вовчанск и Липци.