Шпанскиот парламент усвои закон со кој им се дозволува на лицата постари од 16 години да го менуваат својот законски признат пол без лекарска проценка.
Законот беше усвоен во Сенатот со 191 глас за и 60 против, со што заврши расправата која траеше цели 20 месеци. Во декември минатата година законот беше усвоен со мнозинство гласови во Долниот дом на Парламентот, јавува Би-Би-Си.
Процесот на промена на полот во официјалните документи сега треба да трае меѓу три и четири месеци.
Досега оние кои сакаа да го сменат полот на личната карта мораа да имаат медицинска дијагноза на родова дисфорија и две години да подлежат на хормонска терапија.
Сега е доволно да се изјаснат дека се другиот род и доколку по три месеци повторно го потврдат, ќе имаат право да бараат промена на личните документи.
За деца од 12 и 13 години ќе биде потребна согласност од судот, додека за 14 и 15 години ќе биде потребна дозвола од родител.
Пред гласањето, министерката за еднаквост Ајрене Монтеро ги повика парламентарците да го поддржат законот и рече дека „трансродовите луѓе не се болни, туку луѓето како сите други“.
Во 2014 година, Данска беше прва во Европа што усвои многу сличен закон, а сега девет земји на нашиот континент прифаќаат промена на полот врз основа на лична декларација.
Пронајдете не на следниве мрежи:
