Јавното обвинителство соопшти дека презема дејствија за расчистување на настанот со сквернавењето на македонското знаме на синоќешните прослави за Денот на албанското знаме.

-Известен е јавен обвинител, се преземаат дејствија за расчистување на настанот, соопштуваат од ЈОРМ.

Вчера во Скопје, Тетово, Куманово и други градови каде мнозинството граѓани се етнички Албанци, го прославуваа Денот на албанското знаме. Сликата од синоќа беше автомобили со развеани знамиња, свирежи, пукотници од огнени оружја и инцидент – во кој еден од присутните го искина македонското знаме. видеото од инцидентот веднаш се прошири на социјалните мрежи и предизвика низа реакции.