Пожар избувнал во седиштето на американската Централна разузнавачка агенција (ЦИА) во Ленгли, Вирџинија, по што на терен биле испратени противпожарни екипи, јавуваат американските медиуми.
Според првичните информации, пожарот наводно избувнал во системот за вентилација и климатизација на објектот, по што дошло до ширење на чад во делови од зградата.
Противпожарните служби успеале да го стават огнот под контрола, по што започнале активности за проветрување и отстранување на чадот од објектот.
По локализирањето на пожарот, дел од интервентните екипи почнале да се повлекуваат од комплексот.
Засега нема официјални информации за повредени лица, ниту за евентуалната материјална штета. Исто така, не е потврдена точната причина за избувнувањето на пожарот.
Инцидентот се случува во период на зголемени безбедносни тензии и загриженост за заштитата на американската разузнавачка инфраструктура.
Дополнително внимание привлекува фактот што истиот ден се појавија и информации за проблеми со внатрешната комуникациска мрежа на американската Агенција за национална безбедност (НСА).
Сепак, засега нема докази дека двата инцидента се поврзани, ниту дека пожарот во седиштето на ЦИА е последица на саботажа или намерен напад.
Се очекуваат дополнителни информации од надлежните американски служби за причините и последиците од инцидентот.






