Иako мажите можат да имаат различни начини на изразување љубов во врските, некои се подготвени да го приспособат својот начин на комуникација и покажување чувства за да ги задоволат потребите на партнерката. Според различни советници и истражувања, овие особини јасно покажуваат колку емотивно е вклучен мажот во бракот и колку ја сака и почитува својата сопруга.Презема одговорност кога неговата партнерка е исцрпена или болнаЕден од знаците за вистинска љубов во бракот е подготвеноста на сопругот да преземе дополнителни обврски кога неговата партнерка минува низ тежок период. Ако забележи дека е под стрес или нерасположена, дополнително ќе се потруди да и’ го олесни денот.Според истражувањето на Pew Research Center, жените сè уште го вршат најголемиот дел од домашната работа и грижата за децата, дури и кога работат исто или повеќе од нивните партнери. Сепак, сопругот кој вистински ја сака својата партнерка нема да инсистира на строга поделба на обврските 50/50 – туку ќе преземе повеќе работа кога ќе види дека е потребно, исто како што таа би направила за него, пишува YourTango. Покрај обврските во домаќинството, ова важи и за емоционалната поддршка – ако забележи дека партнерот се чувствува несигурно или вознемирено, ќе одвои дополнително време да разговара и да се поврзе.Разговори за иднината и заедничките плановиСпоред авторот на книгата Ресетирање на односи и психотерапевт Лиси Абрахамс, паровите кои избегнуваат да зборуваат за иднината често се чувствуваат несигурно и оддалечено во врската. Недостатокот на дискусија за плановите може да доведе до недоразбирања, стравови и недостаток на поврзаност.Од друга страна, сопругот кој го сака својот брак отворено зборува за иднината – не само што планира практични работи, туку и изразува возбуда за нивниот заеднички живот и нивните цели. Таквите разговори им помагаат на партнерите да останат усогласени и да се поддржуваат еден со друг во остварувањето на нивните соништа.Веднаш ги решава конфликтите наместо да ги игнорираЕдно истражување покажа дека паровите кои имаат чести конфликти во првата година од бракот имаат пониско ниво на задоволство. Но, кога овие конфликти остануваат нерешени, незадоволството и недовербата само растат со текот на времето, што може сериозно да ја загрози врската.Еден од јасните знаци на сопругот кој го цени својот брак е неговата подготвеност веднаш да ги реши несогласувањата, наместо да ги потиснува и да им дозволи да прераснат во подлабок проблем. Таквиот пристап бара доверба, емпатија и меѓусебно почитување, а долгорочно ја зајакнува емотивната врска меѓу партнерите.
Пронајдете не на следниве мрежи:
©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола или посебен договор, не е дозволено преземање, користење или реемитување на вестите.
