Граѓаните на Србија, како и некои од Македонија, Босна и Херцеговина, Црна Гора и Хрватска, кои беа евакуирани од Израел, пристигнаа околу 2 часот наутро во Белград со специјален лет на „Ер Србија“ од Шарм ел Шеик, организиран од Владата на Србија и Министерството за надворешни работи.
Специјалниот лет, кој полета од Белград вчера околу 17:00 часот, пристигна во Шарм ел Шеик околу 21:00 часот по локално време и се врати со 67 српски државјани евакуирани од Израел, меѓу кои и мали деца, објави РТС.
Првично, беше организиран копнен премин преку египетската граница, имено превоз до египетскиот аеродром.
Освен српски државјани, во авионот имало и државјани на Македонија, Босна и Херцеговина, Словенија, Црна Гора и Хрватска.
Државниот секретар во Министерството за надворешни работи, Дамјан Јовиќ, кој беше испратен во Египет да ја координира акцијата, рече дека освен што станува збор за хуманитарно прашање, ова е и порака што Република Србија сака да ја испрати: „сакаме најдобри и најблиски односи, исполнети со солидарност со нашите соседни земји – Црна Гора, Северна Македонија и Босна и Херцеговина“.
Првиот авион од Дубаи со српски државјани слета вчера во Белград.
Според најновите податоци од Министерството за надворешни работи и надворешна трговија на Северна Македонија, од почетокот на конфликтот до денес, вкупно 473 македонски граѓани контактирале со нашите дипломатски и конзуларни претставништва во Тел Авив, Доха и Абу Даби.
„Од нив, 19 лица се пријавиле од Израел, 106 од Катар, додека 348 граѓани се обратиле до Македонската амбасада во Абу Даби. Во овој број се вклучени и 18 лица од Кувајт, како и 12 лица од Бахреин“, соопшти Министерството.
The post Авион со 67 лица евакуирани од Израел, меѓу кои и македонски државјани, слета во Белград appeared first on Во Центар.
