Откако Иранците и американскиот претседател Доналд Трамп потврдија целосно отворање на Ормутскиот теснец за премин на бродови, реагираше и нафтениот пазар.
Речиси во истата минута, цените на нафтата на светскиот пазар паднаа. Цената на нафтата WTI падна за 11,8 проценти на 83 долари.
Падот следеше и по цената на суровата нафта од типот Брент, која падна за 11,32 проценти на 88 долари.
Слични движења има и суровата нафта, која падна на 84 долари, или за 10,67 проценти.
Договорот меѓу САД и Иран е исто така дел од договорот за прекин на огнот меѓу Либан и Израел, со оглед на тоа што Техеран побара овој договор да биде дел од сеопфатен договор меѓу Иран и САД.
„Во согласност со прекинот на огнот во Либан, преминот за сите комерцијални бродови низ Ормутскиот теснец е прогласен за целосно отворен за преостанатиот период од прекинот на огнот, по координираната рута што веќе ја објави Организацијата за пристаништа и поморство на Исламската Република Иран“, изјави шефот на иранската дипломатија, Абас Арагчи.
The post Автоматски ефект од договорот меѓу САД и Иран: Цените на нафтата на светскиот пазар паѓаат за повеќе од 10 проценти appeared first on Во Центар.
