Антониа Гиговска од авион на матура, еве како изгледаше

Поп пејачката Антониа Гиговска, која беше дел од придружните вокали на Тамара Тодевска на Евросонг 2019, вчера славеше матура. Вчера наутро, речиси право од евровизиската сцена, таа заминала на аеродром помеѓу првите, со цел на време да пристигне дома за да се подготви за матурската забава. Токму поради тоа Гиговска не слета на аеродромот во Скопје заедно со Тамара и останатите од нашата делегација, бидејќи заминала назад од Тел Авив со првиот авион.


Младата пејачка станува се попопуларна во регионот. Лани победи на ,,Макфест”, а во Романија на фестивалот ,,Златен елен” го освои второто место. Годинава за нејзиното име слушна и Србија, откако со емотивни изведби го трогна жирито на натпреварот ,,Пинкови ѕвездички”. Тамошните медиуми ја опишаа како млада девојка со ангелски глас на која и предвидуваат блескава кариера.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.