Аријана Гранде побара Доналд Трамп да престане да ја користи нејзината музика.
Видеото споделено на сметката на TikTok „Team Trump“ ја користи песната на Аријана Гранде „We Can’t Be Friends“ како музика во позадина. Во видеото, Трамп оди кон сцената на митинг со знак на кој пишува дека мажите никогаш не треба да се натпреваруваат во женски спортови.
По оваа објава, Гранде додаде свој коментар барајќи тимот на Трамп да престане да ја користи нејзината музика.
„Твојата вистина е погрешна. Не ја користи мојата музика. Никогаш повеќе не го прави тоа“, рече таа.
Ова е втор пат Гранде да го осуди користењето на нејзината музика од страна на Трамп за промовирање политики што таа не ги одобрува. Белата куќа претходно објави клип од песната на Гранде „Bye“.
Потоа следеше нејзина реакција: „Ве молам никогаш не ја користете мојата музика со оваа нехумана и одвратна глупост“.
Гранде е една од многуте музичари кои побараа од администрацијата на Трамп да престане да ја користи нивната музика. Освен Гранде, истото го побараа и Сабрина Карпентер, Кети Пери, Адел, Нил Јанг, Ролинг Стоунс, Елтон Џон, Ријана, Селин Дион и Шинед О’Конор.
The post Аријана Гранде го моли Трамп да престане да ја користи нејзината музика во видеата: Никогаш повеќе не го прави тоа appeared first on Во Центар.
