Бактериите се неверојатно прилагодливи микроорганизми кои можат да напредуваат во различни средини, вклучително и вселената.Новата студија спроведена на Меѓународната вселенска станица (ISS) покажа дека таму се развиле опасни бактерии отпорни на антибиотици кои не постојат на Земјата. Во новото истражување, научниците ја проучувале бактеријата Enterobacter bugandensis, која првпат била откриена на ISS во 2018 година.Enterobacter е поврзан со сериозни клинички инфекции во претходните студии. Предизвикува болнички инфекции со бактериемија, инфекции на долниот респираторен тракт, остеомиелитис, инфекции на уринарниот тракт и сепса. Се смета за опортунистички патоген, што значи дека ќе предизвика болест кај некоја личност само ако веќе има ослабен имунолошки систем или се бори со други болести.ISS е екстремна срединаКако што наведуваат авторите во студијата, ISS е високо контролирана средина, но тоа не ги спречува микроорганизмите да се развијат таму, напротив.„И покрај високо контролираната средина, карактеризирана со микрогравитација, зголемено ниво на CO2 и поинтензивно сончево зрачење, микроорганизмите на ISS заземаат уникатна ниша. Овие микробни жители играат значајна улога во влијанието врз здравјето и благосостојбата на астронаутите на бродот“ пишуваат авторите на трудот.Некои неодамнешни студии покажаа дека микроорганизмите изложени на микрогравитација можат да стекнат отпорност на повеќе антибиотици и зголемена вирулентност, т.е. инфективност преку брзи мутации и хоризонтален трансфер на гени. Хоризонталниот трансфер е процес во кој многу различни бактерии меѓусебно разменуваат гени содржани во мали синџири наречени плазмиди кои се одвоени од нивната наследна ДНК, што може значително да го забрза нивното стекнување на отпорност на антибиотици.Астронаутите се кандидати за инфекцијаПродолженото вселенско патување во микрогравитација може да го загрози имунолошкиот систем на астронаутот и да ја зголеми нивната ранливост на болести.Микробиолошката популација на ISS може потенцијално да влијае на микробиомите на астронаутите и да се обнови со доаѓањето на нови екипажи. Затоа, разбирањето на микробната колонизација, сукцесијата и интеракциите е од клучно значење за обезбедување на благосостојбата на астронаутите и управувањето со микробиолошките ризици во изолирани и ограничени човечки живеалишта, забележаа научниците во студијата.Борба против отпорност на антибиотициОтпорноста на бактериите на антибиотици стана глобален проблем во последниве години. Повеќе од 1,2 милиони луѓе ширум светот починаа само во 2019 година поради инфекции отпорни на антибиотици.Откритијата како она претставено во новата студија помагаат да се разбере како бактериите еволуираат и се прилагодуваат во различни средини, вклучително и вселената.„Нашата сеопфатна анализа фрли светлина не само на начините на кои овие интеракции ја обликуваат микробната разновидност, туку и на факторите кои би можеле да придонесат за потенцијалната доминација и сукцесија на E. bugandensis во средината на ISS. Импликациите од овие наоди се двосмислени. Прво, тие фрлаат светлина врз однесувањето на микробите, адаптацијата и еволуцијата во екстремни, изолирани средини. Второ, тие ја нагласуваат потребата од силни превентивни мерки за да се обезбеди здравјето и безбедноста на астронаутите преку ублажување на ризиците поврзани со потенцијалните патогени закани, заклучуваат авторите.
Пронајдете не на следниве мрежи:
