Поранешниот претседател на Соединетите Американски Држави, Барак Обама, ги сподели своите традиционални листи на омилени книги, филмови и песни за крајот на 2025 година, како и препораки за книги за летно читање.
Имено, тој на социјалната мрежа X откри што му оставило впечаток оваа година.
„Како што се ближи крајот на 2025 година, ја продолжувам традицијата што ја започнав за време на мојот престој во Белата куќа: ги споделувам моите годишни листи на омилени книги, филмови и музика. Се надевам дека ќе најдете нешто ново за уживање и ве молам испратете ми какви било препораки“, напиша тој во објавата.
As 2025 comes to a close, I’m continuing a tradition that I started during my time in the White House: sharing my annual lists of favorite books, movies, and music. I hope you find something new to enjoy—and please send any recommendations for me to check out! pic.twitter.com/T9LFt5fnKG— Barack Obama (@BarackObama) December 18, 2025
Меѓу омилените книги беа „Девојка од хартија“ од Бет Мејси, „Флешлајт“ од Сузан Чои, „Ние луѓето“ од Џил Лепор, „Дивината“ од Анџела Флурној, „Нема место за нас“ од Брајан Голдстоун. На листата се најде и книгата „Погледот“ од неговата сопруга Мишел Обама.
Покрај овие книги, тој сподели и препораки за читање во текот на летото.
Кога станува збор за омилени филмови во 2025 година, Обама ги издвои следниве филмови: „Една битка по друга“, „Грешници“, „Беше само несреќа“, „Хамнет“, „Сентиментална вредност“, „Нема друг избор“, „Тајниот агент“, „Соништа за воз“, „Џеј Кели“, „Добра среќа“ и „Орвел: 2+2=5“.
На крајот, на листата на омилени песни се најдоа бројни хитови, како што се: „Nice To Each Other“ од Оливија Дин, „Luther“ од Кендрик Ламар и Са, „Tatata“ од Бурна Бој и Тревис Скот, „Jump“ од Блекпинк, „Faithless“ од Брус Спрингстин, „Abracadabra“ од Лејди Гага, „The Giver“ од Чапел Роан, „Ordinary“ од Алекс Ворен и многу други.
The post Барак Обама објавува „традиционален“ список: Ова се неговите омилени книги, филмови и песни appeared first on Во Центар.
