OpenAI објави дека наскоро ќе почне да прикажува реклами за корисниците на ChatGPT кои не плаќаат за премиум верзијата на овој четбот.
Компанијата за вештачка интелигенција во петокот објави дека сè уште не ги лансирала рекламите, но ќе започне со нивно тестирање во наредните недели.
Ова е најновиот обид на компанијата со седиште во Сан Франциско да профитира од повеќе од 800 милиони корисници на ChatGPT, од кои повеќето ја користат услугата бесплатно.
Иако е проценета на 500 милијарди долари, оваа стартап компанија губи повеќе пари отколку што заработува и веќе некое време бара начин да стане профитабилна.
OpenAI изјави дека дигиталните реклами ќе се појавуваат на дното од одговорите на ChatGPT „кога има релевантен спонзориран производ или услуга врз основа на вашиот тековен разговор“.
Рекламите „ќе бидат јасно означени и одвоени од органскиот одговор“, соопшти компанијата.
The post Бесплатната употреба на ChatGPT завршува: OpenAI планира да воведе реклами на четботот appeared first on Во Центар.
