вторник, 17 ноември 2026
Најново

Борнмаут победи по заостанувањето од три гола

Претпочитан извор Додај го Пулс24 во твоите извори на Google Додај


Борнмаут направи редок пресврт во англиската Премиер лига, поништувајќи ја негативата од три гола на полувремето пред своите навивачи за да победи со 4:3 над Лутон Таун во повторениот натпревар од 17-то коло.

ПУЛС24.МК - 14 ГОДИНИ

Гостите водеа со 3:0 по првото полувреме на „Виталити“ стадионот, а головите ги постигнаа Тахит Чонг (9), Киедози Огбене (31) и Рос Баркли (45+1). Сепак, од 50. минута од мечот следуваше голем пресврт, трет од ваков вид во историјата на Премиер лигата, а стрелци беа Доминик Соланке (50), Иља Забарњи (62) и двојниот стрелец Антоан Семењо (64, 83).

Борнмаут со деветтата лигашка победа стигна до 35 бода, но остана на 13-то место, додека Лутон Таун го претрпе петтиот пораз во последните шест натпревари и со 21 бод е на 18-та позиција и во зоната за испаѓање, со три бода помалку од Нотингем Форест кој е на 17-та позиција.

Овој натпревар првично беше закажан за 16-ти декември, но беше прекинат по нешто повеќе од еден час бидејќи гостинскиот капитен Том Локиер падна на теренот, а подоцна беше потврдено дека доживеал срцев удар. На паузата резултатот беше 1:1. Одлучено беше дуелот целосно да биде преигран.

– Реклама –

Поврзани вести