Амбасадорот на ЕУ, Силвио Гонзато, во Албанија беше нападнат од дел од политичката сцена во оваа земја поради поддршката на законот за родова еднаквост, а целата ситуација ги вклучи и Марта Кос и албанскиот премиер Еди Рама.
Еврокомесарот за проширување, Марта Кос, реагираше во четврток на изјавите на поранешниот премиер Сали Бериша упатени до амбасадорот на ЕУ во Тирана, Силвио Гонзато, во врска со предлог-законот за родова еднаквост.
Во објава на платформата X, Кос нагласи дека родовата еднаквост и недискриминацијата се составен дел од правото на ЕУ и дека усогласувањето со овие принципи е дел од процесот на пристапување на Албанија кон Унијата.
„Родовата еднаквост и недискриминацијата се составен дел од правата на ЕУ. Пристапувањето кон нив е дел од процесот на пристапување кон ЕУ. Ова не е приватно барање на амбасадорот на ЕУ во Албанија. Секој напад врз него е неприфатлив“, напиша Кос.
We apologize for the insulting way in which a very noble law, fully aligned with EU principles of gender equality and non-discrimination, has been misused to distort public perception, and for the way the EU Ambassador has been exploited for such an ignoble purpose.… pic.twitter.com/MOuhj2JSzi— Edi Rama (@ediramaal) November 6, 2025
Реакцијата на комесарот доаѓа откако Бериша, за време на својот говор во Собранието, го нападна амбасадорот Гонзато, обвинувајќи го дека побарал гласање за нацрт-законот за родова еднаквост.
Тој тврдеше дека законот „не се базира на директивите на ЕУ“ и дека „го погодува традиционалното семејство“.
„Овој закон не постои во 21 земја од ЕУ и де факто го погодува семејството. Тоа е обид на групата Сорос која ја нападна албанската држава“, рече Бериша.
На острата дебата мораше да реагира и премиерот Еди Рама, кој директно ѝ се обрати на комесарката за проширување Марта Кос.
„Се извинуваме за навредливиот начин на кој еден многу благороден закон, целосно во согласност со принципите на ЕУ за родова еднаквост и недискриминација, беше злоупотребен за да се наруши јавната перцепција и за начинот на кој амбасадорот на ЕУ беше искористен за таква нечесна цел. Сепак, како што велиме на албански, нека лаат кучињата, нека поминат караваните“, рече Рама.
The post Бурна дебата во Албанија поради законот на ЕУ, Рама реагираше и ѝ се извини на Марта Кос: „Кучињата лаат, караваните си поминуваат“ appeared first on Во Центар.
