Важно соопштение од ЈСП: Утре целосно затворена за сообраќај улицата „Благоја Стефковски“

Утре, сабота (28.09.2019 година), поради градежни активности на улица „Благоја Стефковски“ од 8 до 24 часот улицата ќе биде целосно затворена за сообраќај од потегот после Триангла (поделба кон Ченто и Маџари), се до пред завртувањето кон улица „Перо Наков“.
Од тие причини, линиите 50, 52, 53, 62, 63, 63А, 66, 66А, 68 и 69 ќе бидат пренасочени:
*кога се движат кон Центар во Маџари (Термо), ќе свртат лево по улица „Перо Наков“, кај „Тинекс“ ќе свртат десно на булевар „Киро Глигоров“ и преку надвозникот кон булевар „Александар Македонски“, па по редовната траса ќе сообраќаат до крајната постојка
*од Центар ќе сообраќаат по истата траса, односно од Автокоманда (постојка Алкалоид), по надвозникот ќе вртат десно на булевар „Киро Глигоров“, па лево по улица „Перо Наков“ и кај Термо десно на улица „Благоја Стефковски“, до крај по своите траси.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.