Интерарт културниот центар информира дека во рамки на 21-то издание на Танц Фест, денеска во Младинскиот културен центар во Скопје ќе бидат изведени новите танцови дела на кореографката Адријана Данчевска Ровчанин – „Мокументари“ и „Нацрт 1 (вортекс)“. „Мокументари“ е танцов перформанс кој со иронија и хумор ги истражува контроверзните аспекти на политичката сцена денес. Танцот овде се претвора во метафора за нестабилност, постојана промена и отпор. Изведувачите, Дејан Битровски и Адријана Данчевска Ровчанин, преку своите тела ги преиспитуваат идентитетите во контекст на моќ, влијание и самоопределување. Сценографијата на Ивана Мојсовска и музиката на Александар Гроздановски формираат просторно и звучно обвиткување на оваа провокативна сцена. Оваа претстава беше премиерно изведена на отварањето на „Денови на македонски кореографи“ на малата сцена на Националната опера и балет.
Дополнително, публиката ќе има можност да го види и „Нацрт 1 (вортекс)“, кратка кореографска етапа изведена од студентите на Катедрата за современ танц од Универзитетот „Гоце Делчев“ – Штип. Оваа претстава е дел од проектот „УГД – Чекор кон светот 2025“, кој се стреми да ги поддржи младите таленти и нивната видливост на јавната сцена. Костимите на ова дело се креирани од Скопје танцов театар, а музиката е на Александар Гроздановски – HERZEL. Билетите за овие претстави се достапни на билетарницата на МКЦ и онлајн на bileti.mkc.mk.
The post Вечерна случка во МКЦ: Претстава на „Мокументари“ и „Нацрт 1 (вортекс)“ од Адријана Данчевска Ровчанин appeared first on 365.mk.
