Група граѓани денеска попладне го блокираше сообраќајот на патниот правец Битола–Ресен, при што беше целосно прекинато движењето на возилата во двата правци. Околу 300 лица во 16:30 часот го затворија патот А-3 кај локацијата позната како Ромска населба.

Протестот се одвиваше со поставување и палење гуми на коловозот, со што беше оневозможена нормалната сообраќајна комуникација. Според досегашните информации, причина за протестот е одземањето на три возила од страна на полицијата.

Поради блокадата, возачите се пренасочуваат кон алтернативни патни правци. На терен се присутни полициски екипи кои го регулираат сообраќајот и се грижат за безбедноста на учесниците во протестот и на останатите граѓани.