Според украинскиот претседател Володимир Зеленски, во моментот на нападот во маркетот имало повеќе од 200 луѓе

Дванаесет лица загинале, а 43 лица се повредени во гранатирање на хипермаркетот „Епицентар“ за градежни материјали во Харков, информира украинското министерство за внатрешни работи. Според нивните информации, десет тела останале неидентификувани.

Во објава на Телеграма, украинскиот гувернер Олех Синјехубов напиша дека две бомби управувани од Русија ја погодиле зградата, предизвикувајќи пожар од 15 000 квадратни метри.

Украинскиот министер за внатрешни работи Ихор Клименко изјавил дека Русија намерно удрила цивилен објект среде викенд.

Russians just hit an “Epicenter” hypermarket in Kharkiv with two “FAB” aerial bombs.

Deliberately on the weekday when lots of civilians are inside.

2 people confirmed killed, large number of people is missing and many are wounded. There is a big fire going on right now. pic.twitter.com/cohZTIfDqF

— Ihor Lachenkov (@igorlachenkov) May 25, 2024

Според украинскиот претседател Володимир Зеленски, во моментот на нападот во маркетот имало повеќе од 200 луѓе.

Само неколку часа по нападот на маркетот, руските сили извршија втор напад врз центарот на Харков, каде се повредени најмалку 25 лица.

На 10 мај, Русија започна нова офанзива на северот на регионот Харков со 30 000 војници.

Зеленски вели московските сили успеале да напредуваат дури 10 километри во регионот, но биле запрени од првата одбранбена линија.

Според руските медиуми, армијата уништила магацин со оружје во трговски центар во Харков. Руската страна наведува и дека во магацините на маркетот било складирано оружје, што довело до силна експлозија.