На социјалните мрежи се споделува видео од авион полн иселеници во Швајцарија кои покажуваат број на една политичка партија, а во објавата на Фејсбук се повикува да се гласа за еден од кандидатите за градоначалници на Струга.

– Швајцарската дијаспора се упатува кон Струга за да го поддржи Арсим Далипи! Во пресрет на вториот круг од локалните избори, албанските сонародници од Швајцарија се упатија кон Струга за да му ја дадат својата поддршка на Арсим Далипи, кандидатот на Националната алијанса за интеграција (АКИ). Стотици иселеници ги потврдија своите патувања во својата татковина за да бидат дел од неделниот изборен процес, опишувајќи го Арсим Далипи како симбол на чесност, посветеност и вистински развој на Струга. „Време е Струга да ја водат луѓе кои размислуваат за градот, а не за личните интереси. Се враќаме да гласаме за вистинската промена“, изјавија некои од нив за време на нивното заминување од Швајцарија. Поддршката од дијаспората се смета за силен сигнал за единство и верба во визијата на Далипи за функционална, чиста и развиена Струга, каде што вредностите на работата и транспарентноста се во центарот на идната насока. Се очекува вториот круг да биде одлучувачки за иднината на Струга, додека дијаспората уште еднаш докажува дека љубовта кон татковината нема граници, стои во објавата.