Градоначалникот на Киев, Виталиј Кличко, изјави дека украинските територии окупирани од Русија повеќе не се Украина.
Виталиј Кличко ја коментираше можноста за одржување избори во воени услови и нагласи дека не е јасно како надлежните органи ќе го организираат гласањето на териториите припоени од Русија.
„Гласање ? Оние територии што се окупирани повеќе не се Украина, бидејќи таму нема да има претставници“, изјавил Виталиј Кличко во интервју за украинските медиуми.
- Земјотрес со магнитуда од 5,0 степени во близина на иранската нуклеарна централа Бушер – се отвора прашањето дали станува збор за нуклеарен тест
- Ѓорѓиевски организира бесплатна посета на Матка, обезбеден и превоз за граѓаните
- Генерацијата Z се крева, десетици илјади млади луѓе на улиците на Германија: Се судрија со полицијата, беше активиран и воден топ (фото)
- Средба на двајца поразени автократи: Вучиќ го пречека Орбан и рече дека ќе се вратат
- Арагчи ја предупреди Европа на „разорен удар“ поради поддршката на нападите врз Иран
Виталиј Кличко, исто така, рекол дека одржувањето на избори во сегашните услови ќе доведе до колапс на Украина, бидејќи политичарите веднаш ќе почнат да се борат меѓу себе за моќ.
Одржувањето избори во Украина за време на вонредната состојба е забрането, но таква можност постои доколку парламентот ги поддржи релевантните законски измени.
Мнозинството Украинци анкетирани од центарот „Разумков“ се изјасниле дека се против одржување на избори за време на војната. Речиси 64 отсто од испитаниците биле против.
Претходно, украинскиот претседател Володимир Зеленски ја призна можноста за одржување избори во воени услови. За тоа, според него, потребно е да се сменат законските прописи и да се обезбеди безбедност на луѓето и пристап до изборниот процес.
Володимир Зеленски исто така откри дека нема намера да се кандидира за втор мандат доколку се одржат претседателски избори по завршувањето на војната.
Пронајдете не на следниве мрежи:
