Украинската армија соопшти дека поради ескалацијата на вооружените борби во Авдијевка, издадена е наредба за повлекување на украинските војници од југоисточниот дел на тој град, но и дека оваа одлука, како што се наведува, не и дава никаква стратешка предност на Русија.
Олександр Тарнавски, командант на југоисточната воена зона на Украина, на својот канал Телеграм објави дека украинските единици се повлекле со мали загуби.
pic.twitter.com/AxjuUIQ5MI— Pluton (@Pluton45873221) February 17, 2024
„Во тешка ситуација на бојното поле, каде што останаа само урнатини и купишта тули, наш приоритет е да ги спасиме животите на војниците“, напиша Тарнавски.
Командантот на југоисточната воена зона на Украина ја опиша областа Авдијевка како „жаришна точка на линијата на фронтот долга околу 1.000 километри“.
pic.twitter.com/590CcpeENs— Pluton (@Pluton45873221) February 17, 2024
„Непријателот деноноќно извршува масовни артилериски напади и не запира со истовремени напади од повеќе правци. Украинските војници маневрираат, се повлекуваат од уништените позиции и ги зацврстуваат своите позиции на новите линии на одбрана“, објави Тарнавски и потврди дека руските сили дејствуваат со намера да го „избришат градот од лицето на земјата“.
