понеделник, 16 ноември 2026
Најново

„ВИП третман“ зад решетки: Диди Комбс има готвач, масер и човек за набавка на алкохол во затворот

Претпочитан извор Додај го Пулс24 во твоите извори на Google Додај

Американскиот музичар Шон „Диди“ Комбс во затвор, каде што отслужува казна за поврзаност со проституција, има луѓе кои му готват, му ја чистат ќелијата, перат алишта и купуваат алкохолни пијалоци.

Како што објавува NBC News, Комбс (56), додека отслужува 50-месечна казна во затворот Форт Дикс во Њу Џерси, троши илјадници долари секој месец за да го направи својот престој зад решетки што е можно поудобен.

ПУЛС24.МК - 14 ГОДИНИ

Извори од самиот затвор, кои се согласија да зборуваат под услов на анонимност, рекоа дека Диди има и свој масер.

Наводно, Комбс има пристап и до мобилен телефон на кој е инсталиран Инстаграм и преку кој една од неговите поранешни девојки му испраќа експлицитни фотографии.

Тој, исто така, добива антидепресиви од еден од затворениците за да му се подобри расположението.

Кога е во прашање храната, Диди има човек кој прави пилешко со кари и пица само за него, но наводно му здодеало да биде готвач и дал отказ.

Затворот Форт Дикс е „дом“ на околу 4.000 затвореници и, според некои од нив, многумина таму го почитуваат Комбс.

Диди треба да биде во затвор до јануари 2028 година.

Поврзани вести