Премиерот Христијан Мицкоски денеска повтори дека не се размислува за воведување на ограничувања за точење на гориво во пограничните делови од државата, иако таму, како што изјави, во одредени денови потрошувачката расте и до 30 проценти.
Според Мицкоски, досега нема никакви проблеми во снабдувањето со горива и државата има доволно дизел, бензин и керозин во државните резерви.
– Во овој момент,факт број еден е дека граѓаните кај нас користат најевтини горива во регионот и факт број два – имаме доволно количини. Засега не гледаме никаков предизвик поврзан со недостиг. Доколку се случи таков предизвик, тогаш навремено ќе се препакуваме и ќе спремиме нова стратегија, рече Мицкоски.
Најголема потрошувачка на гориво, како што рече, има на северната, јужната и западната граница затоа што во имаме најевтино гориво и странски државјани полнат гориво кај нас.
– Притисокот е најголем на северната, јужната и на западната граница затоа што кај нас се убедливо најевтини и дизелот и безоловните горива, вели Мицкоски.
