Владата на Северна Македонија објавува дека прогласи кризна состојба во траење од седум дена, поради недостаток на производство на електрична енергија, што е резултат на недостатокот на набавка на мазут.
„Владата, на денешната редовна 138-ма владина седница, по предлог на Управувачкиот комитет за координација и управување со системот за управување со кризи, донесе одлука за постоење на кризна состојба во снабдувањето со електрична енергија на целата територија на државата, за период од 7 дена од денот на влегување во сила на оваа одлука.“
„Како што информиравме во претходните денови, оваа одлука е последица на неможноста да се обезбеди мазут, кој е неопходен во процесот на производство. Задолжителните резерви на нафтени деривати ќе бидат достапни без надомест, додека ЕCM АД е должен да достави извештај до Владата и Министерството за финансии за трошењето на нафтениот дериват – мазут“, велат од Владата на Македонија.
The post Владата прогласи кризна состојба, има недостиг од мазут за производство на електрична енергија appeared first on Во Центар.
