среда, 18 ноември 2026
Најново

Вонредна состојба на денешниот лет од Скопје кон Париз – авионот пренасочен, безбедно слетал во Брисел

Претпочитан извор Додај го Пулс24 во твоите извори на Google Додај

Авион на компанијата „Wizz Air“, кој утрово сообраќал на линијата Скопје – Париз, принудно е пренасочен кон аеродромот во Брисел, откако екипажот прогласил вонредна состојба во текот на летот.

Според податоците од „Flight RouteXplorer“, вонредната состојба била прогласена околу два часа по полетувањето, додека леталото се наоѓало над воздушниот простор на Луксембург. Станува збор за летот W64719, управуван од авион од типот „Airbus A321neo“.

ПУЛС24.МК - 14 ГОДИНИ

Екипажот веднаш го прекинал летот кон француската престолнина и се упатил кон аеродромот „Шарлроа“ во Брисел, каде што леталото безбедно слетало околу 7:30 часот по универзално време. Платформата „Flightradar24“ исто така потврди дека авионот наместо во Париз, завршил во белгиската престолнина.

Засега нема официјални информации за причините кои довеле до прогласување на вонредната состојба.


Поврзани вести