Крајот на 2025 година значеше и крај на едно големо поглавје во деловниот свет – Ворен Бафет повеќе не е извршен директор на инвестициската компанија „Беркшир Хатавеј“, позиција што ја држеше 60 години.
Бафет има голема доверба во Грег Абел, кој ќе го наследи во водењето на компанијата од 1,2 трилиони долари. 95-годишниот Бафет, или „Ораклот од Омаха“, како што го нарекуваат со љубов, остава зад себе богатство од знаење, искуство и совети.
Тој му дал еден совет на годишниот состанок на акционерите на „Беркшир Хатавеј“ во 2004 година на 14-годишниот Џастин Фонг од Калифорнија. Имено, Фонг го прашал за совет како да биде успешен, на што добил јасен одговор.
„Подобро е да се дружиш со оние кои се подобри од тебе. Избирај соработници чие однесување е подобро од твоето и тогаш самиот ќе се движиш во таа насока“, предложи Бафет.
Ова е вообичаен совет кога станува збор за лидерство – опкружете се со оние што ги почитувате. Но, Бафет го однесе овој совет на следно ниво верувајќи дека дури и на млада возраст треба да бидеме со оние кои се подобри од нас, без да навлегуваме во детали за тоа.
Неговиот деловен партнер и потпретседател на „Беркшир Хатавеј“, Чарли Мангер, имаше слично мислење. Тој беше убеден дека вреди да се дружиме со оние кои се подобри од нас, дури и по цена на, како што рече, привремена непопуларност меѓу нашите врсници, пишува бизнис порталот „Форчун“.
The post Ворен Бафет имаше едноставни совети за младите луѓе за тоа како да бидат успешни appeared first on Во Центар.
Пронајдете не на следниве мрежи:
