Врховниот совет за национална безбедност на Иран ќе донесе конечна одлука дали да се затвори Ормутскиот теснец, соопшти денес иранската Прес ТВ, откако парламентот наводно ја одобрил мерката.Одлуката за затворање на теснецот, низ кој минува околу 20 проценти од глобалната побарувачка за нафта и гас, сè уште не е конечна. Но, пратеникот и командант на Револуционерната гарда, Есмаил Косари, денес изјави пред Клубот на млади новинари дека тоа е на дневен ред и дека „ќе се направи секогаш кога ќе биде потребно“.„Ќе се браниме со сите средства“Иранскиот министер за надворешни работи денес изјави дека Иран ќе се брани „со сите средства“ по американските напади врз клучните локации на иранската нуклеарна програма.„Исламската Република Иран ќе продолжи да ја брани својата територија, својот суверенитет, својата безбедност и својот народ со сите потребни средства“, изјави Абас Аракчи на маргините од состанокот на Организацијата за исламска соработка (ОИС) во Истанбул.,,Мојата земја е нападната, таа е нападната и ние мора да одговориме во самоодбрана. Ќе го сториме тоа“, предупреди тој.
Врховниот безбедносен орган на Иран одлучи да го затвори Ормутскиот теснец
