понеделник, 16 ноември 2026
Најново

Втор ден претседателски избори во Русија, излезноста е над 55 отсто

Претпочитан извор Додај го Пулс24 во твоите извори на Google Додај

За претседателската функција се борат четворица кандидати – Леонид Слуцки, Николај Харитонов, Владислав Даванков и актуелниот претседател Владимир Путин. Според анализите и предвидувањата на европските и американските медиуми и агенции, Путин важи за апсолутен фаворит и се очекува непречено да го добие новиот мандат во Кремљ

Излезноста на претседателските избори во Русија на вториот ден од гласањето надмина 55 отсто, соопштила руската Централната изборна комисија (ЦИК).

Фото: Принтскрин

Како што е наведено на веб-страницата на ЦИК, до 20 и 19 часот по московско време на избирачките места излегле 55,1 отсто од гласачите, пренесуваат руските медиуми.

ПУЛС24.МК - 14 ГОДИНИ

На изборите во Русија во 2018 година, кога гласањето траело еден ден, излезноста до 10 часот по московско време била 16,55 отсто, до 12 часот 34,72 отсто, а до 17 часот 51,9 отсто, а на крајот излезноста надмине 67 отсто.

Претседателските избори во Русија почнаа во петокот, а гласањето завршува утре.

За претседателската функција се борат четворица кандидати – Леонид Слуцки, Николај Харитонов, Владислав Даванков и актуелниот претседател Владимир Путин.

Според анализите и предвидувањата на европските и американските медиуми и агенции, Путин важи за апсолутен фаворит и се очекува непречено да го добие новиот мандат во Кремљ.

Московските медиуми проценуваат дека бројот на гласачи во Русија е 112 милиони, но таа бројка всушност вклучува 4,5 милиони луѓе во окупираните делови на украинските региони Донецк, Луганск, Запорожје и Херсон. Покрај тоа, два милиони Руси кои живеат во другите земји, исто така, имаат право на глас.

Поврзани вести