Турскиот претседател Реџеп Таип Ердоган денеска во телефонски разговор му ја честиташе изборната победа на српскиот претседател Александар Вучиќ. Како што соопштија од Дирекцијата за комуникации на турскиот претседател, во разговорот станало збор и за односите меѓу Турција и Србија, како и за глобални и регионални прашања.
Ердоган рече дека силните односи и соработка меѓу двете земји ќе продолжат да се развиваат и во наредниот период, се вели во соопштението на Дирекцијата објавено на платформата „Х“.
President Recep Tayyip Erdoğan spoke by phone with President Aleksandar Vucic of Serbia.During the call, President Erdoğan congratulated Vucic on his election success.The call addressed Türkiye-Serbia relations, as well as global and regional matters.President Erdoğan…— Republic of Türkiye Directorate of Communications (@Communications) December 20, 2023
Ердоган беше меѓу првите странски државници кои му честитаа на Вучиќ по објавувањето на резултатите од изборите во Србија одржани на 17 декември.
Тој тогаш оцени дека изборните резултати уште еднаш потврдиле дека народот цени сè што континуирано правите за благосостојбата и развојот на Србија.
„Убеден сум дека во овој тежок и чувствителен период низ кој минува целиот свет, нашата блиска соработка ќе продолжи да придонесува за регионалниот мир и стабилност. Верувам дека мојата посета на Белград, која ќе ја реализирам во наредниот период. дополнително ќе ги зајакне нашите односи и дека тоа ќе биде можност опширно да разговараме за билатерални и регионални теми“, напиша Ердоган.
Пронајдете не на следниве мрежи:
