Вчера најголемо дневно зголемување на новозаразени во светот

Светската здравствена организација (СЗО) објави дека вчера регистрирале најголем дневен број на новозаболени од новиот коринавирус од почетокот на пандемијата.
Повеќе од 183,000 нови случаи беа регистрирани ширум светот во неделата. Најмногу се пријавени во Бразил – 54.771 случаи, а потоа следат САД со 36.617. Повеќе од 15.400 заболени биле пријавени во Индија за еден ден.
Експертите велат дека зголемувањето на бројот на случаи може да е одраз на повеќе фактори, вклучително и повеќе тестирање, но и ширење на инфекцијата. За време на пандемијата, СЗО пријавила 8.708.008 случаи, од кои 183.020 во последните 24 часа.
Од појавата на болеста, во светот се регистрирани 461.715 смртни случаи, со дневно зголемување вчера од 4.743. Повеќе од две третини од тие нови смртни случаи се пријавени во Северна и Јужна Америка.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.