За помалку од две години, од почетокот на 2028 година, ќе биде пуштен во употреба гасниот интерконектор меѓу Србија и Македонија, кој Србија ќе почне да го гради оваа година, најави српската министерка за рударство и енергетика Дубравка Дедовиќ-Хандовиќ.
Проектот е дел од пошироките напори за подобрување на енергетската безбедност во регионот, при што Србија, Грција, Македонија и Бугарија се подготвени да ја зајакнат својата соработка.
Планираниот капацитет на интерконекторот е приближно 1,5 милијарди кубни метри гас годишно.
Тоа ќе ѝ обезбеди на Србија дополнителен пат за снабдување, вклучувајќи пристап преку гасоводот ТАНАП и терминалите за течен природен гас (ЛНГ) во Грција.
Србија веќе резервираше 300 милиони кубни метри гас годишно на терминалот за течен природен гас во Александрополис за период од 10 години.
Белград, исто така, го истакнува својот напредок кон интеграција во европскиот пазар на електрична енергија, со цел да стане првата земја надвор од ЕУ што ќе се приклучи.
The post Гасоводната интерконективна станица меѓу Македонија и Србија ќе биде пуштена во употреба на почетокот на 2028 година appeared first on Во Центар.
