Поранешниот премиер на Македонија и лидер на ВМРО-Народна, Љубчо Георгиевски кој веќе реагираше на употребата на термините „северномакедонец“ и „северномакедонски“ меѓу бугарските политичари, аналитичари и во комуникацијата во медиумскиот простор на Бугарија, дава ново објаснување, откако, како што вели, се потврди тезата дека во бугарската јавност постојат сериозен број политички активни луѓе кои многу лесно ги употребуваат термините, што е однос на омаловажување и навреда.

Георгиевски наведува пет работи, меѓу кои, потенцира дека „ако целиот гнев на Македонците за името е кон Грција, кој ја тера Бугарија сега да биде адвокат на Грција и да го презема тој гнев на себе“.

„Бугарија за цело време демонстрира двоен стандард за името, историјата и човековите права кон Грција и Македонија…“, стои, меѓу другото, во објавата на екс-премиерот.