Неколку недели пред затемнувањето на сонцето што имавме можност да го видиме вчера, лекарите и експертите предупредија дека тоа не треба да се прави без соодветна опрема, заштитни очила и филтри.
Лекарите предупредуваат дека гледањето директно во Сонцето без соодветна заштита може сериозно и трајно да го оштети видот .
Општиот лекар д-р Азем Маџед објасни за „Дејли експрес“ дека дури и краткотрајното директно гледање во сонцето може сериозно да ја оштети мрежницата. Посебен проблем е што лицето може веднаш да не сфати дека е настаната штета, бидејќи мрежницата нема рецептори за болка кои би нè предупредиле за тоа.
„Симптомите често не се појавуваат веднаш. Луѓето гледаат во Сонцето, ја оштетуваат мрежницата и стануваат свесни за проблемот дури неколку часа подоцна“, рече Маџед.
Таквото оштетување се нарекува „соларна ретинопатија“, а симптомите може да се појават само по изложување на интензивна сончева светлина.
Ова се знаци на кои треба да внимавате
Меѓу симптомите што можат да укажуваат на оштетување на мрежницата се заматен или искривен вид, слепи точки во видното поле и тешкотии со препознавање на бои.
„Може да се појави заматен вид, а во потешки случаи и слепа точка на местото на оштетување на мрежницата. Можна е и искривена визија, како и тешкотии со разликувањето на боите“, објасни докторот.
Бидејќи симптомите може да не се појават веднаш, лицето првично може да помисли дека гледањето директно во Сонцето немало никаков ефект.
Доколку се појават промени во видот по набљудувањето на затемнувањето , особено заматен или искривен вид или слепа точка во видното поле, потребно е да се побара медицинска помош.
Тотално затемнување во делови од Европа
Целосно затемнување на сонцето беше видливо од делови на Гренланд, Исланд и Шпанија, додека делумно затемнување можеше да се види од поголемиот дел од остатокот од Европа.
Последното целосно затемнување на сонцето што ја погоди континентална Европа се случи во август 1999 година. Вчерашниот настан затоа привлече голем број набљудувачи, особено во Шпанија и Исланд.
The post Гледавте затемнување на сонцето без заштита? Лекарите откриваат симптоми на сериозно оштетување на видот appeared first on Во Центар.
