Група измамници во италијанскиот регион Тоскана фалсификувале и пуштиле во оптек десетици илјади монети од две евра. Експертите ги опишале овие фалсификати како исклучително успешни и многу опасни за економијата, бидејќи речиси е невозможно да се разликуваат од вистинските пари.
Група измамници во италијанскиот регион Тоскана фалсификувале и пуштиле во оптек десетици илјади монети од две евра. Експертите ги опишале овие фалсификати како исклучително успешни и многу опасни за економијата, бидејќи речиси е невозможно да се разликуваат од вистинските пари.
Главните осомничени се тројца кинески државјани, на возраст од 37, 47 и 51 година. Тие нелегално ги увезле компонентите за изработка на монетите, никел и легура од никел-месинг, од Кина преку Германија и Белгија. Потоа монетите биле склопувани и доработени во две тајни работилници во тосканската општина Кварата.
По производството, тие ги ставале лажните пари во коцкарници (казина) или ги вметнувале монетите во менувачници за да добијат вистински хартиени банкноти за нив. На овој начин, од ноември минатата година се пуштени во оптек најмалку 20.000 монети од две евра.
Она што особено ги загрижуваше истражителите беше врвниот квалитет на производството. Фалсификатите имаа речиси идентични безбедносни карактеристики како и вистинските монети, вклучувајќи тежина, димензии и магнетни својства. Италијанскиот весник „Ил Фато Квотидијано“ пишува дека овие лажни монети се „скоро непрепознатливи“, дури и за експертите во Европската централна банка (ЕЦБ).
Како што објавува новинската агенција АНСА, сторителите детално ги копирале и националните мотиви на неколку земји-членки на еврозоната што се наоѓаат на задната страна од монетите, вклучувајќи ги мотивите на Франција, Словенија, Грција, Белгија и Луксембург.
Италијанската полиција уапси тројца Кинези и им одреди притвор, додека уште две лица, исто така кинески државјани, се под истрага и се бранат од слобода. Сите се соочуваат со сериозни обвиненија за криминално здружување и фалсификување пари. Осомничените се дел од голема кинеска заедница што живее во блискиот град Прато, каде што најчесто работат во локалната текстилна индустрија.
За време на рација во тајни работилници, полицијата заплени голема количина суровина за производство на биметални монети, две индустриски преси, машина за виткање и специјална машина за назабени рабови на монети.
Според податоците објавени од списанието „Фокус“, фалсификатите од две евра се убедливо најчести меѓу фалсификуваните монети од заедничката европска валута, сочинувајќи дури 96 проценти од сите запленети фалсификувани монети. По нив, криминалците најчесто фалсификуваат монети од едно евро и 50 центи.
The post Голема акција во Италија: Кинеска банда пушти во оптек лажни монети од 2 евра, експертите шокирани од квалитетот appeared first on Во Центар.
