Гостин во њујоршки ресторан во оброкот нашол бисер

Во познатиот њујоршки ресторан „Сентрал Ојстер Бар“, Рик Антош – инаку чест гостин таму, во својата чорба од остриги пронашол бисер.
За „Њујорк Пост“ 66-годишниот гурман раскажува дека веднаш кога го почнал својот оброк од 14,75 долари, во устата почувствувал мал тврд предмет. Отпрво помислил дека тоа е заб, но за среќа, тоа било бисер.


– Веќе 28 години работам овде, а ова ни се случува вторпат. Дневно, ние продаваме над 5.000 остриги, изјави извршната директорка на угостителскиот објект и писателка, Сенди Ингберг.
Антош пак, одлучи да го задржи бисерот од школка и вети дека и натаму ќе доаѓа во ресторанот, надевајќи се дека ќе најде уште некој бисер.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.