Вработени во ресторан во Скопје нападнале скопјанец поради расправија околу нарачката за храна.
МВР информира дека М.Т. од Скопје пријавил дека околу 11.20 часот вчера во ресторан во Трговски центар, бил физички нападнат од вработените во ресторанот, Л.Ч.(34) и Л.Ш.(43) државјани на Народна Република Кина, околу нарачка на храна.
Според пријавата, еден од кинеските државјани со остар предмет се обидел да го нападне М.Т. а другото лице фрлало различни предмети.
По преземени мерки, Л.Ч. и Л.Ш. биле приведени во Полициската станица Карпош и по целосно документирање на случајот против нив ќе биде поднесена соодветна пријава.
На социјалните мрежи вчера се појави и видео од настанот.
