Почитувањето на Преговорната рамка, вклучително и уставните измени, е услов Северна Македонија да преговара со Европската Унија.

Ова го изјави данската министерка за европски прашања Мари Боре пред Комитетот за надворешни работи (АФЕТ) на Европскиот парламент, објави БГНЕС.

На 1 јули, Данска го презеде 6-месечното претседателство со Советот на ЕУ. Боре нагласи дека по уставните измени, претседателството е подготвено за следната меѓувладина конференција и отворањето на првите преговарачки кластери во согласност со Преговорната рамка.