недела, 22 ноември 2026
Најново

Дождлив викенд пред Македонија: циклон од Џенова носи пообилни врнежи од петок

Претпочитан извор Додај го Пулс24 во твоите извори на Google Додај

Промена на времето се очекува од петок, 9 октомври, кога Македонија ќе потпадне под влијание на циклонска активност со центар над Џенова. Дождливото време ќе продолжи и во сабота и недела, најави метеорологот Славчо Попоски.

Според неговата прогноза, влажните воздушни бранови ќе донесат променлива облачност и повремени врнежи од дожд. Најобилни врнежи се очекуваат во западните делови од земјата, каде што локално може да наврнат над 30 литри дожд на квадратен метар.

ПУЛС24.МК - 14 ГОДИНИ

На одделни места ќе има услови за развој на нестабилна облачност, со пороен дожд, грмежи и засилен ветер.

Промената ќе се почувствува и во Скопје и околината. За време на викендот се очекува променливо облачно време со повремен дожд, кој локално може да биде пообилен.

И покрај врнежите, Попоски не најави позначително опаѓање на дневните температури. Тие ќе останат релативно високи, додека утринските ќе бидат во пораст поради зголемената облачност.

Поврзани вести