До 1 јуни граѓаните треба да ги проверат годишните даночни пријави за остварени приходи во 2025 година. По овој рок, сите непотврдени даночни пријави ќе се сметаат за конечни.
– Управата за јавни приходи ги потсетува даночните обврзници дека крајниот рок за проверка и потврда на Годишната даночна пријава за 2025 година истекува на 31 мај 2026 година. Со оглед дека станува збор за неработен ден (недела), рокот за потврдување на годишната даночна пријава е 01 јуни 2026 година. Ова значи дека граѓаните кои оствариле приходи во 2025 година треба најдоцна до 01 јуни 2026 година да извршат увид во своите даночни пријави преку системот „е-Даночни услуги“ и да ги потврдат, односно коригираат доколку има потреба, појануваат од Управата за јавни приходи.
УЈП информира дека генерирани се вкупно 862.896 даночни пријави, што е за 21.225 повеќе во споредба со минатата година, кога беа генерирани 841.671 пријава. Досега, од страна на даночните обврзници се потврдени 27.788 годишни даночни пријави.
The post До 1 јуни проверка на годишните даночни пријави за остварени приходи во 2025 appeared first on Provereno.
