Голем број жители на Махачкала се упатиле кон пистата на аеродромот откако авионот од Израел слетал.
Видеата што кружат на социјалните мрежи покажуваат дека пропалестинските демонстранти се обидуваат да стигнат до патниците кои долетале од Тел Авив на аеродромот во главниот град Дагестан.
- СДС, кои не однесоа ниту едно шише вода во Гостивар, заедно со Лимани се дел од локалната власт и имаат заедничка одговорност, велат од ВМРО-ДПМНЕ
- И покрај „проблемите“, Јамал сепак го исполнува своето ветување: Пушти мустаќи и брада, иако едвај забележливи (фото)
- Се подтготвува формирањето на Бекташката држава во Тирана: Ќе биде најмала на светот, со свој пасош и валута
- Во Москва се стравува од украинските дронови: Откажан е голем воено-музички фестивал на Црвениот плоштад
- Тие сакаат мир и тишина: Трите најголеми интроверти во зодијакот
- Што се случува со црниот дроб кога јадете јајца?
- ВЛЕН: Се подобрува клучниот фактор – се намалува инфлацијата
- Вечерва 13-то прскање против комарци во Скопје, а инфективна полна со пациенти со западнонилска треска
- МОЈОТ ПРВ СОПРУГ БЕШЕ КАКО ТАТКО МИ, САМО ПОЛОШ – Ведрана Рудан
- Хајден Панетиер добила „апчиња за среќа“ за црвениот тепих на 16-годишна возраст
- Граната од Првата светска војна пронајдена во рудник „Суводол“
На аеродромот пристигнаа силни полициски сили, но тоа не ги спречи демонстрантите. На снимката се гледа како тие се обидуваат да превртат полициско возило. Се гледа и дека меѓу патниците кои дошле од Израел има и деца.
Федералната агенција за воздушен транспорт наведува дека аеродромот во Махачкала е привремено затворен за пристигнувања и полетувања.
- Мерките се во сила до нормализирање на состојбата. Органите на прогонот работат на лице место – се наведува во соопштението.
Агенцијата наведува дека авионите кои требало да слетаат во Махачкала биле пренасочени на алтернативни аеродроми.
Израелскиот Канал 12 јавува дека авионот потоа слетал на алтернативен аеродром, но и таму владеел хаос, а патниците биле советувани да не го напуштаат леталото и била повикана полиција да ги заштити.
Според РИА Новости, властите привремено го затвориле автопатот што води до аеродромот.
МВР соопшти дека нередите ќе одговараат кривично.
Кабинетот на израелскиот премиер Бенјамин Нетанјаху и израелското Министерство за надворешни работи велат дека ги следат настаните во Дагестан и очекуваат руската полиција да ја зачува безбедноста на сите израелски граѓани и Евреи и да дејствува решително против бунтовниците.
- Израел сериозно гледа на обидите да им наштети на израелските граѓани и Евреи каде било – се наведува во соопштението.
Амбасадорот на Израел во Русија, Алекс Бен Цви, работи на обезбедување на безбедноста на патниците во авионот.
Населението на руската република Дагестан главно го сочинуваат муслимани.
СЕ ОГЛАСИ И ЗЕЛЕНСКИ
Украинскиот претседател Володимир Зеленски изјави дека е згрозен од сцените во Дагестан кога палестинските приврзаници упаднаа на аеродромот во потрага по Израелците кои долетаа од Тел Авив.
- Ова не е изолиран инцидент во Махачкала, туку дел од раширената руска култура на омраза кон другите народи што ја пропагираат државната телевизија, експертите и властите. Рускиот министер за надворешни работи даде низа антисемитски забелешки во текот на изминатата година. Рускиот претседател употреби и антисемитски навреди – вели Зеленски.
