Европа гори, температурите рушат рекорди

Незапаметено високи температури веќе неколку дена се бележат во речиси цела Европа. Уште вчера во Франција е измерена највисоката температура досега од 44,3 степени Целзиусови, а топлотниот бран кој го зафати континентот веќе ги однесе првите жртви. Нов температурен рекорд е измерен во јужниот град Карпентрa. Претходниот рекорд беше 44,1 степени забележан во 2003 кога во пеколните жештини загинаа илјадници Французи. Само по неколку часа од достигнатиот рекорд, во 16 часот беше објавено дека и тој рекорд е срушен затоа што во местото Галарг-ле-Монтју биле измерени 45,8 степени. Во четири региони во земјата е објавен црвен аларм за предупредување додека во другите на сила е портокалов, а министерката за здравство ги предупреди граѓаните да ги преземаат сите потребни мерки.
Рекордни температури за јуни се забележани и во Германија , Чешка , Полска и Шпанија.
Во Шпанија заради високите темпраратури избувнаа најголеми пожари во последните 20 години, а осум региони се во црвен аларм од жештините. Како последица на жешкото време во Шпанија се регистрирани неколумина починати.
Предупредувањето од топлотниот бран е на сила во 16 града во Италија.

Пронајдете не на следниве мрежи: