Мрежата за заштита од дискриминација ја поздравува одлуката за промена на директорот на Националната агенција за европски образовни програми и мобилност.

Оваа одлука е во согласност со европските вредности за промоција на еднаквост, пристапност, инклузија, разновидност и правичност – вредности кои се во сржта на работата на оваа институција. Мрежата внимателно ќе го следи спроведувањето на оваа одлука и очекува номинирање на ново лице за оваа водечка позиција кое ќе ги промовира европските вредности и активно ќе се залага за инклузивност и меѓукултурна соработка, велат оттаму.

Како потсетување, на 15 април Мрежата јавно побара повлекување на предлогот за именување на Петар Богојески за директор на оваа институција.