Жената која исчезна пред шест години пронајдена мртва во замрзнувач

Жена од Флорида која исчезна пред шест години беше пронајдена мртва во замрзнувачот откриен во стан на починат човек.
Хедер Лејси, мајка на две деца, имаше 29 години кога исчезна.
Таа беше пронајдена на 15 март од Лилијан Аргует, која управува со големо складиште на метален отпад, каде што по смртта на Џонатан Ескарзаге бил донесен замрзнувачот од станот во кој живеел. Рацете на жената биле кренати како да се обидува да ја отвори вратата на замрзнувачот.
Рандел Лејси рече дека неговата ќерка имала биполарно нарушување и дека живеела на улица. Нејзиното исчезнување е пријавено во декември 2013 година.


Хедер Лејси почнала да пие лекови против болка по царскиот рез, а потоа станала зависна од кокаин и други наркотици. Неколкупати била уапсена за поседување дрога и проституција. Таа беше една година во затвор поради кражба на идентитет и фалсификат.
Џонатан Ескарзага беше пронајден мртов во февруари оваа година. Сопственикот на станот одлучил да го замени мебелот и апаратите и го испратил замрзнувачот во отпадот. Замрзнувачот не бил заклучен, а сопственикот тврдел дека не знаел дека внатре имало мртво тело. Тој вели дека не знае дали Ескарзага бил во каква било врска со Лејси, според „Дејли мејл“.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.