Заради „Илинден“ и снимање филм центарот на Скопје утре со посебен сообраќаен режим

Поради одбележувањето на „Илинден“, утре од 9 часот ќе во Скопје ќе има посебен режим на сообраќај. За сообраќај ќе биде затворен потегот од крстосницата помеѓу улицата 11-ти Октомври и булеварот Кочо Рацин до крстосницата помеѓу улицата Даме Груев, улицата Васил Главинов и улицата Димитрија Чуповски и од крстосницата помеѓу улицата Даме Груев, улицата Македонија, улицата Филип Втори Македонски до улицата Кеј 13-ти Ноември, информира МВР.
Во времето од 5 до 14 часот на улицата Беласица и од 14 до 18 часот на улицата Самоилова (виадукт кај стоковна куќа Мост) во Скопје, во организација на Друштво за филмска продукција „Фокус Покус Филмс“ од Скопје, ќе се снима филм, поради што Одделението за безбедност на патниот сообраќај при СВР Скопје ќе превземе мерки за посебен режим на сообраќајот, а сообраќајот ќе се пренасочува по околните сообраќајници.
МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните.

 

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.