Портпаролката на руското Министерство за надворешни работи, Марија Захарова, побара од британскиот министер за надворешни работи Дејвид Камерон да „ запомни дека Москва има нуклеарно оружје“, истовремено велејќи дека Украина може да изврши напади во Русија.– Прашање е само колку треба да бидеш луд, да се замислуваш, така да се каже, како еден од лидерите на наводно цивилизирана земја, да кажуваш такви работи. Згора на тоа, од каква амнезија може да претрпи некој кој не се сеќава дека станува збор за нуклеарни земји – рекла таа, коментирајќи ја изјавата на Камерон дека Украина има право да го користи оружјето на Велика Британија за да напаѓа цели во Русија.
Захарова рекла дека руските агенции задолжени за одбрана на земјата несомнено ќе возвратат ако има какви било напади во Русија.– Колку човек треба да биде бесчувствителен ако не разбира до што водат таквите изјави и не размислува толку за реакцијата на Русија… но не размислува и за чувствата на сопствените граѓани – поданици на Британија и други земји од колективниот Запад. Размислете барем за нив, но ништо – изјавила Захарова.За време на официјалната посета на Киев во четвртокот, Камерон вети дека Велика Британија ќе издвојува три милијарди фунти (околу 3,5 милијарди евра) секоја година за воена помош за Украина „колку што е потребно“, нагласувајќи дека официјален Лондон нема забелешки за употребата на овие оружја по цели на територијата на Русија.
